कणकुंबीच्या माऊली देवस्थानात आज डॉ सोनाली सरनोबत (भाजपा ग्रामांतर महिला मोर्चा उपाध्यक्षा व खानापूर येथील महिला मोर्चा प्रभारी )यांच्या हस्ते 150 आशा वर्कर्स, मदतनीसांसह अंगणवाडी शिक्षिका, काही बचत गट आणि प्राथमिक आरोग्य सेवा कर्मचार्‍यांचा सत्कार करण्यात आला.
प्राथमिक आरोग्य केंद्रातील डॉ. चेतन कोविड काळात केलेल्या कामाबद्दल त्यांचा सत्कार करण्यात आला.कोरोना काळात ज्यांनी सेवा दिली आहे अशा सर्वानाच या प्रसंगी कोविड योद्धा म्हणून सत्कार करण्यात आला .
आशा वर्कर्स अतिवृष्टी, हवामानातील फरक लक्षात न घेता 24×7 वनक्षेत्रात काम करतात.त्यामुळे या कोरोना योद्ध्यांचा डॉ सोनाली सरनोबत आणि त्यांच्या टीमच्या वतीने सत्कार करण्यात आला .
याप्रसंगी मंचावर स्थानिक नेते, भाजपचे कार्यकर्ते मंजुनाथ चिखलकर, अर्जुन गावडा संजय पाटील, बसवराज कडेमानी, नारायण कदम, दयानंद चोपडे, अनंत गावडा, ईश्वर सानिकोप, ग्रामपंचायत सदस्य व देवस्थान समितीचे सदस्य उपस्थित होते.
