ಬೆಳಗಾವಿ : ಮಾಜಿ ಉಪಮುಖ್ಯಮಂತ್ರಿ, ಬಿಜೆಪಿ ವಿಧಾನಪರಿಷತ್ ಸದಸ್ಯ ಲಕ್ಷ್ಮಣ್ ಸವದಿ ಸಹೋದರ ಪಾರಪ್ಪ ಸವದಿ ಅವರ ಕಾರ್ ಚಾಲಕ ಸಿಧಾರೂಢ ಶಿರಗುಪ್ಪಿ ಅವರ ಹತ್ಯೆಯಾಗಿದೆ.
ಅಥಣಿ ಪಟ್ಟಣದ ಆರ್‌ಟಿಓ ಕಚೇರಿ ಮುಂಬಾಗದಲ್ಲಿ ದರೂರ ಗ್ರಾಮದ ಸಿದ್ದಾರೂಡ ಶಿರಗುಪ್ಪಿ ಅವರ ಕೈ ಕಾಲು ಕಟ್ಟಿ ಹಾಕಿ ನೇಣು ಬಿಗಿದು ವ್ಯಕ್ತಿಯ ಕೊಲೆ ಮಾಡಲಾಗಿದೆ.
ಅಥಣಿ ತಾಲೂಕಿನ ದರೂರ್ ಗ್ರಾಮದ ಸಿದ್ದಾರೂಡ ಶಿರಗುಪ್ಪಿ ಅವರು ಕಳೆದ ಹಲವು ವರ್ಷಗಳಿಂದ ಪರಪ್ಪಾ ಸವದಿ ಅವರ ಕಾರ್ ಚಾಲಕರಾಗಿದ್ದರು. ನಿನ್ನೆ ಶನಿವಾರ ರಾತ್ರಿ ಪರಪ್ಪ ಸವದಿ ಜೊತೆ ಅವರು ಉಗಾರ ಗ್ರಾಮಕ್ಕೆ ತೆರಳಿದ್ದರು. ನಂತರ ರಾತ್ರಿ ಸುಮಾರು ೧೧ ಗಂಟೆಗೆ ತಮ್ಮ ಮನೆಗೆ ಹೋಗುವ ಸಂದರ್ಭದಲ್ಲಿ ದುಷ್ಕರ್ಮಿ ಗಳು ಅವರ ಕೈ, ಕಾಲು ಕಟ್ಟಿ, ಕುತ್ತಿಗೆಗೆ ನೇಣು ಹಾಕಿ ಆರ್ ಟಿ ಓ ಕಚೇರಿ ಎದುರಿನ ಮರವೊಂದಕ್ಕೆ ನೇತು ಹಾಕಿದ್ದಾರೆ.
ಅಥಣಿ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
