वनविभागातील आसू ग्राम क्षेत्रांमध्ये एळये धाबे येथील वजर नामक धबधबा असून सहा युवक मिळून पार्टीसाठी गेले असता यातील श्रीहरी अंगडी हा युवक बेपत्ता झाल्याची घटना रविवारी दुपारी असू येथे घडली.
श्रीहरी रामकृष्ण अंगडी (वय 21) रा. लोंढा असे बेपत्ता झालेल्या युवकाचे नाव आहे हा युवक बेळगाव येथील केएलई इंजिनीअरिंग महाविद्यालयात प्रथम वर्षात शिक्षण घेत होता. सर्व मित्र मिळून दुपारी 12-00 वाजता लोंढा येथून निघून आसू क्षेत्रात असलेल्या एळये येथे वजर धबधबा असून या ठिकाणी मजा करण्यासाठी गेले होते.
हा धबधबा धोकादायक असल्याने या ठिकाणी वनविभाने बंदी घातली आहे. तरीही या विद्यार्थ्यांनी तिथे जाऊन पाण्यात उतरून मौजमजा करत असताना श्रीहरी बेपत्ता झाला आहे. या युवकाला पोहता येत असल्याने हा त्या भागात असलेल्या होलीत अडकला गेल्याने बेपत्ता झाला आहे.
या घटनेची माहिती त्याच्या समवेत गेलेल्या युवकाने रामनगर पोलिसांना देण्यात आली रामनगर पोलीस स्थानकाचे पोलीस उपनिरीक्षक विनोद यांनी आपल्या सहकार्‍यांसह घटनास्थळी जाऊन याची शोधा शोध केली असता हा युवक सापडला नसल्याने पोलिसांना खाली हात येण्याची पाळी आली उद्या सोमवारी याच्यातील तज्ञ सहायाने शोधाशोध करण्यात येणार असल्याचे पोलिसांनी सांगितले.
