रायपुर छत्तीसगड येथे रोलर स्केटिंग फेडरेशन ऑफ इंडिया आयोजित केलेल्या दुसऱ्या राष्ट्रीय मानांकन स्पर्धेत बेळगावच्या स्केटिंगपटूनी सात पदकांवर आपले नाव शिक्कामोर्तब केले असून घवघवीत यश संपादन केले आहे.
यावेळी आयोजित केलेल्या स्पर्धेत स्पीड स्केटिंग प्रकारात श्रेया वाघेला हिने 1000 मीटर रनिंग रेस मध्ये एक सुवर्ण,1000 मीटर रिंकरेस मध्ये एक कांस्य तर रोड रेस एक लॅपमध्ये एक कांस्य पदक पटकाविले आहे.
तर प्रीती नवले हिने 100 मीटर रोड रेस मध्ये एक रौप्य आणि रोड रेस लॅपमध्ये सुद्धा रौप्यपदक मिळविले आहे. त्याचबरोबर झियानाली तांबोली याने 500 मीटर रनिंग रेस मध्ये एक रौप्यपदक तर आराध्या मोरे हिने रोड रेस एक लॅपमध्ये कास्यपदक पटकावित यश मिळविले आहे.
सदर स्पर्धा 17 ते 20 जून रोजी पार पडली यावेळी या स्पर्धेत देशातील जवळपास 1900 स्केटिंग पटूनही सहभाग घेतला होता. यामध्ये बेळगावच्या स्केटिंगपटुनी यश संपादन केले आहे.
