हलगा गावातील ट्रॅक्टर चालकाचा टिप्परच्या धडकेत मृत्यू
राष्ट्रीय महामार्गाजवळील खमकाकट्टी गावाजवळ भरधाव टिप्परची ट्रॅक्टरला धडक बसल्याने झालेल्या अपघातात एका ट्रॅक्टर चालकाचा जागीच मृत्यू झाला आहे.
या घटनेत विजयनगर हलगा येथील संतोष महावीर हुडदे वय 23 हा ट्रॅक्टर चालक जागीच ठार झाला असून ही घटना आज सकाळी सात वाजण्याच्या सुमारास घडली आहे.
यावेळी ट्रॅक्टर चालक आपल्या ट्रॅक्टर घेऊन राष्ट्रीय महामार्गावरून जात असताना पाठीमागून भरधाव खडीने भरलेल्या टिप्परने ट्रकला जोराची धडक दिली.त्यामुळे संतोष रस्त्याच्या कडेला फेकला गेला आणि त्याच्यावर टिप्पर मधील सर्व खडी कोसळली. त्यामुळे त्याचा गुदमरून जागीच मृत्यू झाला.
सदर घटनेची माहिती मिळताच यावेळी आजूबाजूचे परिसरातील नागरिक घटनास्थळी दाखल आहे. आणि त्यांनी संतोषला वाचविण्याचा प्रयत्न केला मात्र तोपर्यंत वेळ निघून गेली होती.
सदर घटनेची नोंद हिरेबागेवाडी पोलीस ठाण्यात करण्यात आली असून पोलीस याबाबत अधिक तपास करत आहेत. तसेच संतोषच्या जाण्याने हलगा गावात हळहळ व्यक्त करण्यात येत आहे.
