काल रात्री आठ वाजण्याच्या सुमारास एका तरुणावर तलवार हल्ला करण्यात आला आहे. न्यू गांधीनगर येथील युवकावर हा तलवार हल्ला करण्यात आला असून मोहम्मद कैफ बागवान वय 18 राहणार न्यू गांधीनगर असे त्याचे नाव आहे. सध्या या तरुणाला उपचाराकरिता जिल्हा रुग्णालयात दाखल करण्यात आले आहे. तसेच त्याच्यावर उपचार सुरू आहेत.
सदर हल्ला कशामुळे झाला त्याचा उलगडा अद्यापही झाला नसला तरी या हल्ल्याची माहिती मिळताच कायदा आणि सुव्यवस्था विभागाचे पोलीस उपायुक्त रवींद्र गडादी माळ मारुती पोलीस स्थानकाचे उपनिरीक्षक व्हन्नप्पा तळवार आणि त्यांचे सहकारी घटनास्थळी दाखल झाले . तसेच या प्रकरणी युवकाच्या कुटुंबीयांनी पोलिसात तक्रार दिली असून पोलीस अधिक तपास करत आहेत
