गावकऱ्यांच्या बैठकीत निर्णय
सांबरा येथे होणाऱ्या श्री महालक्ष्मी यात्रेनिमित्त मंगळवार दि. 21 मे 2024 रोजी आंतरराष्ट्रीय कुस्ती मैदान भरवण्याचा निर्णय मारुती मंदिरात रविवारी झालेल्या ग्रामस्थ आणि कुस्ती कमिटीच्या बैठकीत घेण्यात आला.
तब्बल 18 वर्षांनी दि 14 मे पासून सुरु होणाऱ्या यात्रेत दि 21 रोजी कुस्ती आखाडा भरवण्याचा निर्णय घेण्यात आला. बसवण्णा तलावात मैदान निर्माण करण्यात येणार आहे. यासाठी यात्रा कमिटी आणि ग्रामपंचायतचे सहकार्य राहिल अशी ग्वाही यात्रा कमिटीचे अध्यक्ष राजू देसाई यांनी दिले. हभप शिवाजी जत्राटी, इराप्पा जोई, सिद्राई यड्डी, लक्ष्मण सुळेभावी, नितीन चिंगळी, महेंद्र गोठे आदिनी विचार मांडले. मल्लांची जोड, देणगी जमा करणे, बैठक व्यवस्था, पार्किंग यासह नियोजनाबाबत विविध विषयांवर चर्चा करण्यात आली.
लक्ष्मण यड्डी, विठ्ठल जत्राटी, परशराम हरजी, मुकुंद मुतगेकर, बाबू जोई, सिद्राई तिप्पनाचे, मनोहर नागन्नावर, देवाप्पा आप्पयाचे, गुरुनाथ चौगले, राजकुमार धनगर, कृष्णा अप्पायचे, मारुती चौगले, भरमा चिंगळी, कृष्णा जोई, शिवानंद पाटील, मोहन हरजी, शितलकुमार तिप्पाण्णाचे, भुजंग गिरमल, प्रवीण ताडे, भुजंग धर्मोजी, सिद्राई जाधव, यल्लाप्पा जोगानी यांच्यासह कुस्तीगीर संघटनेचे सदस्य, गावकरी उपस्थित होते. यल्लाप्पा हरजी यांनी प्रास्ताविक करून आभार मानले.
