ಚಿಕ್ಕಮಗಳೂರು, 7- ಕುಂದಾಪುರ ನ ಕಾಲೇಜು ಗಳಲ್ಲಿ ಹಿಜಾಬ್, ಕೇಸರಿ ಶಾಲ್ ವಿವಾದ ಪ್ರಾರಂಭಗೊಂಡಂತೆ, ಚಿಕ್ಕಮಗಳೂರಿನ ಐಡಿಎಸ್‌ಜಿ ಕಾಲೇಜಿನಲ್ಲಿ ಈಗ ನೀಲಿ ಶಾಲು ಪ್ರತ್ಯಕ್ಷವಾಗಿದ್ದು, ಹಿಜಾಬ್ ಧರಿಸಿಬರುವ ವಿದ್ಯಾರ್ಥಿನಿಗಳ ಬೆಂಬಲಕ್ಕೆ ದಲಿತ ವಿದ್ಯಾರ್ಥಿ ಗಳು ನಿಂತಿದ್ದಾರೆ.
ಸಹಪಾಠಿ ವಿದ್ಯಾರ್ಥಿನಿಯರು ಮೊದಲಿನಂತೆ ಹಿಜಾಬ್ ಧರಿಸಿಬರಬೇಕು, ಯಾವುದೇ ಕಾರಣಕ್ಕೂ ಅದನ್ನು ತೆಗೆಯಬಾರದೆಂದು ಅವರಿಗೆ ಬೆಂಬಲ ಸೂಚಿಸಿ ದಲಿತ ವಿದ್ಯಾರ್ಥಿ, ವಿದ್ಯಾರ್ಥಿನಿಗಳು ಇಂದು ನೀಲಿ ಬಣ್ಣದ ಶಾಲು ಧರಿಸಿ ಬಂದಿದ್ದರು.
ಹಿಜಾಬ್ ಆಯ್ತು, ಕೇಸರಿ ಶಾಲು ಆಯ್ತು ಇದೀಗ ನೀಲಿ ಶಾಲು ಬಂದಿದ್ದು ದಲಿತ ವಿದ್ಯಾರ್ಥಿಗಳು ಮುಸ್ಲಿಮ ವಿದ್ಯಾರ್ಥಿಗಳ ಪರ ನೀಲಿ ಶಾಲು ಧರಿಸಿ ಪ್ರತಿಭಟನೆಗೆ ಇಳಿದಿದ್ದಾರೆ.
ಜೈ ಶ್ರೀ ರಾಮ್ ಘೋಷಣೆ ಗೆ ಪ್ರತಿಯಾಗಿ ಜೈ ಭೀಮ್ ಘೋಷಣೆ ಕೂಗುತ್ತಾ ದಲಿತ ವಿದ್ಯಾರ್ಥಿಗಳು ಪ್ರತಿಭಟನೆ ನಡೆಸಿದರು. ಇದರಿಂದ ಕಾಲೇಜಿನಲ್ಲಿ ಕೆಲಕಾಲ ಆತಂಕದ ವಾತಾವರಣ ನಿರ್ಮಾಣವಾಗಿತ್ತು.
