गुरुपोर्णिमेनिमित्त महाप्रसादाचे आयोजन
काही ठिकाणी भजन कीर्तन
बेळगाव शहर परिसरातील विविध मंदिरांमध्ये आज गुरुपौर्णिमा उत्साहात साजरी करण्यात आली. यावेळी मंदिरातील सर्व देवतांना अभिषेक करण्यात आला तसेच विधिवत पूजा करण्यात आली. येथील देशपांडे गल्ली येथील स्वामी समर्थ मंदिर, बापट गल्ली कार पार्किंग,नार्वेकर गल्ली येथील ज्योतिर्लिंग देवस्थान या ठिकाणी गुरुपौर्णिमेनिमित्त धार्मिक पूजा अर्चा करून गुरु पौर्णिमेचा उत्सव साजरा करण्यात आला.
येथील देशपांडे गल्लीतील श्री स्वामी समर्थ मंदिरामध्ये आज गुरुपौर्णिमेनिमित्त श्री स्वामी समर्थ महाराजांना अभिषेक करण्यात आला.
यावेळी सकाळी मंदिरात स्वामींना लघु रुद्राभिषेक अभिषेक पंचामृत करण्यात आला.तसेच दांपत्यांच्या हस्ते स्वामींना अभिषेक करून विधिवत पूजा करण्यात आली.
यावेळी मंदिर आकर्षक फुलांनी सजविण्यात आले आहे . तसेच आकर्षक अशी रांगोळी काढण्यात आली आहे. येथील मंदिराच्या डाव्या बाजूला गुलाबाच्या फुलांनी स्वामींची आकर्षक चित्रकृती रेखाटण्यात आली असून मंदिर देखील फुलांनी सजविण्यात आले आहे .
त्यामुळे भाविक सकाळपासूनच दर्शनाकरिता गर्दी करत आहेत. दुपारी 12 वाजता आरती करून सर्वांना प्रसादाचे वाटप करण्यात आले .
