नवी दिल्ली, 27: भारतीय कृषी क्षेत्राचे आधारस्तंभ आणि पहिले कृषी मंत्री डॉ. पंजाबराव देशमुख यांची जंयती महाराष्ट्र सदन येथे आज साजरी करण्यात आली.
कॉपर्निकस मार्गस्थित महाराष्ट्र सदनाच्या सभागृहात आयोजित कार्यक्रमात सहायक निवासी आयुक्त आयुक्त स्मिता शेलार यांनी डॉ. पंजाबराव देशमुख यांच्या प्रतिमेला पुष्पहार अर्पण करून अभिवादन केले. यावेळी महाराष्ट्र सदनातील अधिकारी आणि कर्मचारी मोठ्या संख्येने उपस्थित होते. उपस्थित सर्वांनी त्यांच्या प्रतिमेस पुष्प अर्पण करून अभिवादन केले.
महाराष्ट्र परिचय केंद्रात डॉ. पंजाबराव देशमुख जयंती साजरी
महाराष्ट्र परिचय केंद्रात डॉ. पंजाबराव देशमुख जयंती साजरी करण्यात आली. या प्रसंगी महाराष्ट्र परिचय केंद्राच्या उपसंचालक (माहिती) अमरज्योत कौर अरोरा यांनी डॉ. पंजाबराव देशमुख यांच्या प्रतिमेला पुष्प अर्पण करून अभिवादन केले. उपस्थित कर्मचाऱ्यांनीही त्यांच्या प्रतिमेस पुष्प अर्पण करून अभिवादन केले.
