20 व्या मराठा युवक संघाच्या आंतरशालेय व विद्यापीठ जलतरण स्पर्धा 2025

मराठा युवक संघ आयोजित आबा स्पोर्ट्स क्लब व हिंद स्पोर्ट्स क्लबच्या सहकार्याने प्रतिवर्षीप्रमाणे यावर्षीही कै.एल आर पाटील यांच्या स्मरणार्थ मराठा युवक संघाच्या 20 व्या भव्य आंतरशालेय व आंतर विद्यापीठ जलतरण स्पर्धेचे आयोजन करण्याचे मराठा युवक संघाच्या बैठकीत एकमताने ठरले .या स्पर्धा दिनांक 13 व 14 सप्टेंबर रोजी गोवावेस येथील महानगरपालिकेच्या जलतरण तलावात आयोजित करण्याचे एकमताने ठरले. या बैठकीत मराठा युवक संघाचे अध्यक्ष बाळासाहेब काकतकर यांनी हा प्रस्ताव मांडला व सर्वांनी याला मंजुरी दिली.
यावेळी मराठा युवक संघाचे पदाधिकारी शिवाजीराव हंगीरगेकर, मारुती देवगेकर,चंद्रकांत गुंडकल, नारायण किटवाडकर, सुहास किल्लेकर,शेखर हांडे जलतरण प्रशिक्षक विश्वास पवार हे उपस्थित होते. यावेळी संघाचे सेक्रेटरी श्री चंद्रकांत गुंडकल यांनी गोवा,महाराष्ट्र, कर्नाटक येथून अनेक उत्कृष्ट जलतरणपटू सहभागी होणार आहेत असे सांगून बेळगावच्या सर्व शाळेच्या जलतरणपटूनी मोठ्या संख्येने या स्पर्धेत सहभाग घेऊन ही स्पर्धा यशस्वी करावी असे आव्हान केले आहे. विशेष माहितीसाठी जलतरण प्रशिक्षक विश्वास पवार कार्पोरेशन जलतरण तलाव गोववेस यांच्याशी संपर्क साधावा असे कळविण्यात येते.