ठिणगी शेतात पडल्याने उसाच्या मळ्याला लागली आग

ट्रक चा सायलेन्सर खाली पडल्याने झालेल्या शॉर्टसर्किटमुळे ट्रकने अचानक पेट घेतल्याची घटना काल दुपारी खानापूर यल्लापुर महामार्गावरील बेकवाड बिडी दरम्यान घडली. या घटनेत कोणतीही जीवित हानी झाली नसली तरी भर दुपारी रस्त्यात बर्निंग ट्रक चा थरार पाहायला मिळाला .ट्रक चा सायलेन्सर खाली पडल्याने ट्रक मध्ये तांत्रिक बिघाड होऊन शॉर्टसर्किट झाले. त्यामुळे ट्रकने अचानक पेट घेतला
तसेच ट्रकला लागलेल्या आगीची ठिणगी बाजूला असलेल्या उसाच्या वाढलेल्या पाल्याला लागली. त्यामुळे येथील जवळपास अर्धा एकर शेतातील ऊस जळून खाक झाला.त्यामुळे या घटनेत ट्रक बरोबरच अर्धा एकर शेतातील ऊस जळून खाक झाला. यावेळी या घटनेची माहिती मिळताच खानापूर अग्निशमन दलाचे जवान घटनास्थळी दाखल झाले आणि त्यांनी आग आटोक्यात आणली. तसेच शेतात देखील पाण्याचा मारा करून याठिकाणीही लागलेली आग विझविली.या घटनेत ट्रक मालक शकीब मोहम्मद पटेल आणि शेतकऱ्यांचे मोठे नुकसान झाले असल्याची माहिती प्राप्त झाली आहे.