ಲಕ್ನೋ ವಿಶ್ವವಿದ್ಯಾಲಯದ ಸಂಸ್ಕೃತ ವಿಭಾಗದ ಸ್ನಾತಕೋತ್ತರ (MA ) ಮುಸ್ಲಿಂ ವಿದ್ಯಾರ್ಥಿನಿ ಸಂಸ್ಕೃತದಲ್ಲಿ ಐದು ಚಿನ್ನದ ಪದಕಗಳನ್ನು ಪಡೆದಿದ್ದಾರೆ.
ನವೆಂಬರ್‌ನಲ್ಲಿ ನಡೆದ ಘಟಿಕೋತ್ಸವ ಸಮಾರಂಭದಲ್ಲಿ ಗಜಾಲಾ ಅವರ ಹೆಸರನ್ನು ಘೋಷಿಸಲಾಯಿತು, ಆದರೆ ಕೋವಿಡ್ -19 ಕಾರಣ, ಸಮಾರಂಭದಲ್ಲಿ ಅದನ್ನು ಪ್ರದಾನ ಮಾಡಲು ಸಾಧ್ಯವಾಗಿರಲಿಲ್ಲ..
ಗುರುವಾರ, ಅಧ್ಯಾಪಕರ ಮಟ್ಟದ ಪದಕ ವಿತರಣಾ ಸಮಾರಂಭದಲ್ಲಿ ಡೀನ್ ಆರ್ಟ್ಸ್ ಪ್ರೊ.ಶಶಿ ಶುಕ್ಲಾ ಅವರು ಗಜಾಲಾ ಅವರಿಗೆ ಪದಕಗಳನ್ನು ಪ್ರದಾನ ಮಾಡಿದರು.
ದಿನಗೂಲಿ ಮಾಡುವವರ ಮಗಳಾದ ಗಜಾಲಾ ಐದು ಭಾಷೆಗಳಲ್ಲಿ ಪ್ರವೀಣರಾಗಿದ್ದಾರೆ — ಇಂಗ್ಲೀಷ್, ಹಿಂದಿ, ಉರ್ದು, ಅರೇಬಿಕ್ ಮತ್ತು ಸಂಸ್ಕೃತದಲ್ಲಿ ಪ್ರವೀಣರು.
ಗಜಲಾ 10 ನೇ ತರಗತಿಯಲ್ಲಿದ್ದಾಗ ಅವರ ತಂದೆ ನಿಧನರಾದರು ಮತ್ತು ಅವರು ಶಿಕ್ಷಣವನ್ನು ಮುಂದುವರಿಸಲು ಹೆಣಗಾಡಬೇಕಾಯಿತು.
ಈ ಪದಕಗಳಿಗೆ ಭಾಧ್ಯರಾಗಿರುವದು ನನ್ನಿಂದಲ್ಲ, ನನ್ನ ಸಹೋದರರಾದ ಶಾದಾಬ್ ಮತ್ತು ನಯಾಬ್ ಅವರ ತ್ಯಾಗದಿಂದ. ಅವರು 13 ಮತ್ತು 10 ನೇ ವಯಸ್ಸಿನಲ್ಲಿ ಶಾಲೆ ತೊರೆದು ಗ್ಯಾರೇಜ್‌ನಲ್ಲಿ ಕೆಲಸ ಮಾಡಲು ಪ್ರಾರಂಭಿಸಿದರು, ಇದರಿಂದ ತಾವು ಅಧ್ಯಯನವನ್ನು ಮುಂದುವರಿಸಲು ಸಾಧ್ಯವಾಯಿತು,ಎಂದು ಗಜಾಲಾ ಹೇಳಿದ್ದಾರೆ. ಗಜಾಲಾ ಅಕ್ಕ ಯಾಸ್ಮೀನ್ ಕೂಡ ಪಾತ್ರೆಗಳ ಅಂಗಡಿಯಲ್ಲಿ ಕೆಲಸ ಮಾಡಲು ಪ್ರಾರಂಭಿಸಿದರು, ತನ್ನ ತಾಯಿ ನಸ್ರೀನ್ ಬಾನೋ ಮನೆಯನ್ನು ನೋಡಿಕೊಳ್ಳುತ್ತಿದ್ದರು ಎಂದು ಗಜಲಾ ಹೇಳಿದ್ದಾರೆ.
ಗಜಾಲಾ ತನ್ನ ಕುಟುಂಬದೊಂದಿಗೆ ಒಂದು ಕೋಣೆಯ ಮನೆಯಲ್ಲಿ ವಾಸಿಸುತ್ತಾರೆ, ದಿನಕ್ಕೆ ಸುಮಾರು ಏಳು ಗಂಟೆಗಳ ಕಾಲ ಸಂಸ್ಕೃತವನ್ನು ಅಧ್ಯಯನ ಮಾಡುತ್ತಾರೆ.
ಗಜಲಾ ತನಗೆ ಸಂಸ್ಕೃತ ಪ್ರಾಧ್ಯಾಪಕಿಯಾಗುವ ಹಂಬಲವಿದೆ ಎಂದು ಹೇಳಿದ್ದಾರೆ.
ಗಜಾಲಾ ಕ್ಯಾಂಪಸ್‌ನಲ್ಲಿ ಜನಪ್ರಿಯರು ಮತ್ತು ವಿಶ್ವವಿದ್ಯಾನಿಲಯದ ಸಾಂಸ್ಕೃತಿಕ ಕಾರ್ಯಕ್ರಮಗಳಲ್ಲಿ ಸಂಸ್ಕೃತ ಶ್ಲೋಕಗಳು, ಗಾಯತ್ರಿ ಮಂತ್ರ ಮತ್ತು ಸರಸ್ವತಿ ವಂದನೆಯನ್ನು ಪಠಿಸುತ್ತಾರೆ.
ನೀವು ಸಂಸ್ಕೃತವನ್ನು ಏಕೆ ಆರಿಸಿದ್ದೀರಿ ಎಂದು ಕೇಳಿದಾಗ, ಗಜಾಲಾ ಹೇಳುತ್ತಾರೆ, “ಎಲ್ಲಾ ಭಾಷೆಗಳಗೂ ಸಂಸ್ಕೃತವು ತಾಯಿಯಾಗಿದೆ. ಇದು ದೈವಿಕವಾಗಿದೆ ಮತ್ತು ಅತ್ಯಂತ ಸಾಹಿತ್ಯಿಕ ಭಾಷೆಯಾಗಿದೆ. ಸಂಸ್ಕೃತದಲ್ಲಿ ಕಾವ್ಯವು ಹೆಚ್ಚು ಮಧುರವಾಗಿರುತ್ತದೆ. ಇದು ದೈವಿಕ ಭಾಷೆಯಾಗಿದೆ ಎಂದು ಹೇಳಿದ್ದಾರೆ.
ಅವರ ಪ್ರಕಾರ, ಸಂಸ್ಕೃತದಲ್ಲಿ ಅವರಿಗೆ ನಿಶಾತ್‌ಗಂಜ್‌ನ ಸರ್ಕಾರಿ ಪ್ರಾಥಮಿಕ ಶಾಲೆಯಲ್ಲಿ ಆಸಕ್ತಿ ಪ್ರಾರಂಭವಾಯಿತು, ಅಲ್ಲಿ ಶಿಕ್ಷಕರು 5 ನೇ ತರಗತಿಯಲ್ಲಿ ಸಂಸ್ಕೃತವನ್ನು ಕಲಿಸಿದರು.
ನನ್ನ ಸಂಸ್ಕೃತ ಜ್ಞಾನ ಮತ್ತು ಆಸಕ್ತಿಯು ಮುಸ್ಲಿಂ ಆಗಿರುವ ನಾನು ಭಾಷೆಯ ಮೇಲಿನ ಪ್ರೀತಿಯನ್ನು ಹೇಗೆ ಬೆಳೆಸಿಕೊಂಡೆ ಎಂದು ಕೆಲವರು ಆಶ್ಚರ್ಯದಿಂದ ಕೇಳುತ್ತಾರೆ. ನಾನು ಅದನ್ನು ಏಕೆ ಕಲಿಯುತ್ತೇನೆ ಎಂದು ಕೆಲವರು ನನ್ನನ್ನು ಕೇಳುತ್ತಾರೆ, ಆದರೆ ನನ್ನ ಕುಟುಂಬ ಯಾವಾಗಲೂ ನನ್ನನ್ನು ಬೆಂಬಲಿಸುತ್ತದೆ” ಎಂದು ಗಜಾಲಾ ಹೇಳಿದರು. ಗಜಾಲಾ ಈಗ ವೈದಿಕ ಸಾಹಿತ್ಯದಲ್ಲಿ ಪಿಎಚ್‌ಡಿ ಮಾಡಲು ಬಯಸಿದ್ದಾರೆ
