बेळगुंदी येथे ग्रामदैवत श्री रवळनाथ मंदिर चौकट पूजनाचा कार्यक्रम सोमवार दिनांक 14 रोजी उत्साहात संपन्न झाला. या कार्यक्रमाच्या अध्यक्षस्थानी बेळगुंदी ग्रामस्थ कमिटीचे चेअरमन सुरेश किणयेकर होते.सदर कार्यक्रमाचे औचित्य साधून बेळगाव बार असोसिएशनचे उपाध्यक्ष महाराष्ट्र एकीकरण समितीचे नेते एडवोकेट सुधीर चव्हाण यांचा शाल श्रीफळ देऊन नागरी सत्कार करण्यात आला.
तसेच या मंदिराला चौकट निर्माण करणारे कारागीर माजगाव येथील नंदू लोहार यांचाही शाल श्रीफळ देऊन सत्कार करण्यात आला. श्री रवळनाथ अभिवृद्धि सेवा संघाच्या कार्यकर्त्यांच्या हस्ते हा सत्कार करण्यात आला. यावेळी यावेळी व्यासपीठावर अनेक मान्यवर मंडळी उपस्थित होते.
