सध्या बेळगाव मधून दिल्ली बेंगलोर हैदराबाद मुंबई पुणे जोधपूर तिरुपती व अहमदाबाद या शहरांना विमानसेवा सुरू आहे तसेच आता येत्या 27 मार्च पासून दिल्ली बेळगाव दिल्ली ही विमानसेवा सुद्धा सुरू होणार असल्याची माहिती स्पाइस जेट कंपनीने दिली आहे.
याबरोबरच स्पाइसजेट कंपनीने आपल्या वेळापत्रकात सुद्धा बदल केला आहे नव्या वेळापत्रकानुसार स्पाइस जेटच्या दिल्ली हैदराबाद व मुंबई फेर्‍या सुरू होणार आहेत. त्यामुळे आता देशाच्या राजधानीला यापुढे दररोज विमान सेवा सुरू असणार आहे.
बेळगाव मधून दिल्ली विमान सेवा सुरू झाल्याने प्रवाशांनीही आतापासूनच दिल्लीचे बुकींग सुरू केले आहे. स्पाइस जेट च्या नव्या वेळापत्रकात केलेल्या बदलानुसार 27 मार्च पासून दिल्ली येथून सकाळी 6.05मिनिटांनी प्रस्थान करणारे विमान सकाळी 8. 45 मिनिटांनी बेळगाव विमानतळावर पोहोचणार आहे.
त्यानंतर सकाळी 9.15 मिनिटांनी बेळगाव विमानतळावरून निघालेले विमान सकाळी 11 .45 मिनिटांनी दिल्लीला पोहोचणार आहे. प्रवाशांच्या संख्येत वाढ झाल्याचे पाहताच बेळगाव विमानतळावरील विमानांच्या फेर्‍यांमध्ये ही वाढ होणार आहे.
