उत्तर मतदार क्षेत्रातील आमदार अनिल बेनके यांनी झोपडपट्टी भागाला भेट दिली आणि तेथे असलेल्या जनतेच्या समस्या जाणून घेतल्या.
यावेळी त्यांनी शहरातील वंटमुरी आणि वैभव नगर येथे नागरिकांच्या झोपडपट्टीची पाहणी करून त्यांना लवकरात लवकर घरे बांधून देण्याचे आश्वासन दिले.सध्या तूरळक पाऊस पडत आहे .मात्र येणाऱ्या पावसाळ्यात सोसाट्याच्या वारा आणि जोराचा पाऊस येऊन झोपडपट्टीतील घरे उद्धवस्त होऊ नये आणि त्यांचे कुटुंबीय उघड्यावर येऊ नये याकरिता आज आमदारांनी झोपडपट्टीची पाहणी केली .
आता पावसाळ्याला सुरुवात झाल्याने झोपडपट्टी भागात दलदलीचे साम्राज्य निर्माण होत आहे . तसेच अनेकांना वेगवेगळ्या आजाराला तोंड द्यावे लागत आहे.त्यामुळे त्यांच्या समस्या निवारण्याकरिता त्यांनी झोपडपट्टी भागाला भेट देऊन त्यांनी पाहणी केली आणि घरे बांधून देण्याचे आश्वासन दिले
यावेळी त्यांच्या समवेत झोपडपट्टी विकास विभागाचे अधिकारी लमानी, महापालिका आयुक्त रुद्रेश घाळी, नगरसेवक राजशेखर डोनी, लक्ष्मी राठोड चिखलदिनी आदी उपस्थित होते.
