बेळगाव
भाग्यनगर तिसरा क्रॉस येथे एका घराजवळ एक कोकिळा जखमी अवस्थेत पडली होती. त्यावेळी येथील नागरिकांनी फेसबुक फ्रेंड सर्कल च्या संतोष दरेकर यांनाही माहिती दिली यावेळी त्यांनी लागलीच घटनास्थळी दाखल होत कोकिळा ला कोणती इजा झाली आहे का? याची शहानिशा केली. त्यानंतर सदर कोकिळेला घेऊन ते वनविभागाकडे गेले. त्यानंतर त्यांनी ही कोकिळा वनविभागाकडे सुपूर्द केली.
यावेळी वनविभागाचे पथकाने पक्षी वाचवल्याबद्दल फेसबुक फ्रेंड सर्कल च्या संतोष दरेकर यांचे आभार मानले. तसेच आपल्या आजूबाजूच्या परिसरात किंवा रस्त्यावर अशाप्रकारे कोणतेही प्राणी पक्षी जखमी अवस्थेत आढळल्यास त्यांच्यावर वेळेत उपचार होण्याकरिता 9986809825 या नंबर वर संपर्क साधण्याचे आवाहन करण्यात आले आहे.
