खानापुर तालुक्यातील चापगाव गावात शनिवारी सकाळी रमेश तुकाराम पाटील यांच्या घराच्या पाठीमागील कडी फोडून चोरी केल्याची घटना उघडकीस आली आहे.
चापगाव गावच्या हद्दीतील यादोगा रस्त्यावरील घराला कुलूप लावून घरातील व्यक्ती पंढरपूरला गेले असल्याची माहिती चोरट्यांना मिळाली .यावेळी त्यांनी सुमारे सात ते आठ हजार रुपये किमतीचे सोन्याचे दागिने घरफोडी करून चोरून नेले .
यावेळी घटनेची माहिती समजताच नंदगड पोलीस ठाण्याच्या पोलिसांनी घटनास्थळी भेट दिली व पंचनामा करून नंदगड पोलीस ठाण्यात गुन्हा दाखल करून घेतला .
