घरासमोर खेळत असणाऱ्या मुलीवर कुत्र्याने केला हल्ला

घरासमोर खेळणाऱ्या बालिकेला फरफटत नेऊन मोकाट कुत्र्याने लचके तोडल्याची घटना गुरुवारी (दि. ९) दुपारी १२ च्या सुमारास मारुतीनगरमध्ये घडली. या हल्ल्यात बालिका गंभीर जखमी झाली असून तिचे डोके व तोंडाचे लचके कुत्र्याने तोडले आहेत. तिला खासगी रुग्णालयात दाखल करण्यात आले आहे. आराध्या उमेश तेरगार (वय १ वर्ष ९ महिने) असे तिचे नाव आहे.
याबाबत मिळालेली अधिक माहिती अशी, आराध्या मारुतीनगरमधील आपल्या घरासमोर खेळत होती. त्यावेळी अचानकपणे मोकाट कुत्र्याने तिच्यावर हल्ला केला.