बुडाच्या १०१ जागांचा ई-लिलाव; पहा कुठे आहेत त्या जागा?

बेळगाव अर्बन डेव्हलपमेंट अॅथॉरिटी (बुडा) शहरातील विविध ले-आऊटमधील त्याच्या तब्बल १०१ जागांचा ई-लिलाव करणार आहे. प्राधिकरणाने यासंदर्भात 5 मार्च रोजी अधिसूचना जारी केली असून 16 आणि 17 मार्च रोजी लिलाव होणार आहे.
 
इच्छुक निविदाकार 50,000 रुपये जमा करून अर्ज करू शकतात. सूत्रांनी दिलेल्या माहितीनुसार, या जागांच्या लिलावातून जमा झालेला निधी कणबर्गी लेआउटच्या (स्कीम क्र.६१) विकासासाठी वापरला जाणार आहे. बुडाची अनेक गृहसंकुले बांधण्याची आणि कणबर्गी लेआउटमध्ये अनेक व्यावसायिक साइट्स विकसित करण्याची योजना आहे.
 
प्राधिकरण रामतीर्थ नगर येथील क्रमांक 34, 43 आणि 43 (ए) योजनांमधील 70 जागांचा लिलाव करीत आहे, ज्यात अनेक कोपऱ्यातील भूखंडांचा समावेश आहे. अलीकडेच बेळगाव मनपाच्या ताब्यात देण्यात आलेल्या कुमारस्वामी लेआउटच्या 29 जागांचा लिलाव होणार आहे.  याशिवाय लक्ष्मी टेकडी येथील स्कीम क्रमांक ५१ ची एक जागा आणि चन्नम्मा नगरच्या दुसऱ्या टप्प्यातील दुसरी जागा ई-लिलावासाठी ठेवण्यात आली आहे.अशी माहिती मिळाली आहे.