बेळगाव :
एम जी बॉईज सुळगा हिंडलगा आणि जीवन संघर्ष फाउंडेशन यांच्या वतीने भव्य ओपन डान्स स्पर्धेचे आयोजन करण्यात आले आहे. सदर स्पर्धा शनिवार दिनांक 5 फेब्रुवारी रोजी सायंकाळी 6 वाजता मारुती गल्ली सुळगा येथे पार पडणार आहे. या स्पर्धा चे नियम व अटी आयोजकांनी राखून ठेवले असून सोलो आणि ग्रुप या दोन विभागात ही स्पर्धा होणार आहे.
या स्पर्धेसाठी सोलो 300 आणि ग्रुप डान्स करिता 1000 रुपये प्रवेश फी आहे. या डान्स स्पर्धेला एम स्टाइल डान्स अकॅडमी चे महेश जाधव,जीवन संघर्ष फाऊंडेशनचे संस्थापक गणपत पाटील आणि जवशाल कुरन परीक्षक म्हणून लाभणार आहेत.
तसेच सोलो डान्स करिता प्रथम येणाऱ्यांना सात हजार रुपये द्वितीय पाच हजार तृतीय चार हजार आणि उत्तीर्ण दोन हजार रुपये बक्षीस म्हणून देण्यात येणार आहे. तसेच ग्रुप डान्स करिता प्रथम क्रमांक आठ हजार रुपये द्वितीय क्रमांक चार हजार तृतीय क्रमांक तीन हजार आणि उत्तीर्ण दोन हजार रुपये बक्षीस म्हणून देण्यात येणार आहे. तरी सर्वांनी या स्पर्धेमध्ये भाग घ्यावा असे आवाहन आयोजकांतर्फे करण्यात आले आहे.
