शिक्षण खात्याने पाचवी ते नववीच्या परीक्षांचे वेळापत्रक जाहीर केले आहे. त्यामुळे 11 एप्रिल पासून शालेय परीक्षांना सुरुवात होणार आहे.
दहावीच्या वार्षिक परीक्षेचे अंतिम वेळापत्रक जाहीर केल्यानंतर शिक्षण खात्याने शालेय वेळापत्रक जाहीर केले आहे. सलग दुसऱ्या वर्षी शाळा सुरू होण्यास विलंब झाल्याने शिक्षण खात्याने यावेळी उन्हाळी सुट्टीत कपात करण्याचा निर्णय घेतला आहे.
पाचवी ते नववीच्या परीक्षा अकरा एप्रिल ते वीस एप्रिल पर्यंत होणार असून पहिली ते चौथी परीक्षेचे वेळापत्रक शालेय स्तरावर ठरविण्यात येणार आहे. तत्पूर्वी पहिली ते नववीच्या परीक्षा घेऊन निकाल जाहीर केला जाणार आहे.
सध्या शाळांनी अभ्यासक्रम पूर्ण करण्यावर लक्ष केंद्रित केले केले आहे. 11 एप्रिल पासून सुरु होणाऱ्या या परीक्षा 20 एप्रिल पर्यंत होणार आहेत. 11 एप्रिल रोजी मराठी कन्नड इंग्रजी या प्रथम विषयांचा पेपर घेण्यात येणार असून 12 एप्रिल रोजी गणित, 13 एप्रिल रोजी कन्नड इंग्रजी ,16 एप्रिल रोजी क्रीडा शिक्षण चित्रकला ,18 एप्रिल रोजी विज्ञान ,19 एप्रिल रोजी कन्नड इंग्रजी आणि 20 एप्रिल रोजी समाज विज्ञान चा पेपर होणार आहे.
