कॅन्टोन्मेंट बोर्ड मराठी प्राथमिक शाळेमध्ये राष्ट्रीय विज्ञान दिनाच्या निमित्ताने विज्ञानावर आधारित रांगोळी रेखाटून त्याची माहिती विद्यार्थ्यांनी दिली.त्यामुळे विध्यार्थ्यांना रांगोळीच्या माध्यमातून विज्ञानाचे धडे मिळाले.सदर विज्ञान प्रदर्शनाचे उदघाटन कॅन्टोन्मेंट च्या महसूल अधिकारी प्रियांका पेटकर यांच्या हस्ते करण्यात आले.
तर इयत्ता पहिली च्या वर्गाचे स्मार्ट क्लासचे उदघाटन कार्यालयीन व्यवस्थापक एम.वाय.ताळुकर व शाळेचे माजी विद्यार्थी श्यामलाल धनवा यांच्या हस्ते पार पडले.कार्यक्रमात कॅन्टोन्मेंट बोर्डचे प्रकाश गौडाडकर,शाळेचे मुख्याध्यापक पी.एस.बिर्जे सहशिक्षक व विद्यार्थी उपस्थित होते. या विज्ञान प्रदर्शनासाठी शिक्षिका
एन.के.गुंजीकर,एम.एस.वडगोळ यांचे मार्गदर्शन लाभले.
तर प्रदर्शन यशस्वी करण्यासाठी सहशिक्षक डी.ए.कुरणे,टी.एस.कांबळे,आर.डी.कांबळे यांचे सहकार्य लाभले.उपस्थितांनी शाळेच्या प्रगतीबद्दल समाधान व्यक्त केले आणि रांगोळी प्रदर्शनात सहभागी झालेल्या विद्यार्थ्यांचे कौतुक केले.विज्ञान प्रदर्शन दुपारी 1 ते 3 या वेळेत पालकांसाठी खुले ठेवण्यात आले आहे.
