खानापूर तालुका महाराष्ट्र एकीकरण युवा समितीच्या वतीने आज सोमवार दिनांक 23 मे रोजी जीवनावश्यक वस्तूंचे दर कमी करण्याबाबत निवेदन देण्यात आले .अत्यावश्यक वस्तूंच्या वाढत्या किमतीमुळे सर्वसामान्य लोकांना मोठा त्रास सहन करावा लागत आहे. गेल्या काही दिवसांपासून सातत्याने खाद्य पदार्थांच्या किमतीत मोठ्या प्रमाणात वाढ होत आहे.त्यामूळे दैनंदिन खर्चाचे अंदाज पत्रक कोलमडले आहे.याबाबत खानापूर तालुका महाराष्ट्र एकीकरण युवा समिती तर्फे आज तहसीलदाराना निवेदन दिले .
तसेच यावेळी शिक्षक भरती संदर्भात मराठी माध्यमावर झालेल्या अन्याया संदर्भात खानापूर गटशिक्षणाधिकारी यांना निवेदन देऊन आठवडाभरात न्याय नाही मिळाला तर ठिय्या आंदोलनाचा निर्वाणीचा इशारा देण्यात आला.शिक्षक भरतीत मराठी माध्यमावर झालेला अन्याय त्वरित दूर करावा अशी मागणी या निवेदनात करण्यात आली आहे .
तसेच सातवी उत्तीर्ण होऊन आठवीत प्रवेश घेतलेल्या विद्यार्थ्यांना त्वरित बस पास उपलब्ध करून द्यावेत व शाळांना सुरुवात झाल्याने बसव्यवस्था मुबलक प्रमाणात उपलब्ध करून द्यावी, या विविध विषयांवर खानापूर तहसीलदार,गटशिक्षणाधिकारी व खानापूर आगारप्रमुख आज निवेदन देण्यात आले. 
यावेळी खानापूर तालुका महाराष्ट्र एकीकरण युवा समितीच्या वतीने आवाहन करण्यात आले आहे
