बेळगाव शहरातील रेल्वे स्थानकावर होत असलेल्या विकासकामांच्या विविध टप्प्यांची पाहणी करण्यासाठी खासदार मंगला अंगडी यांनी बेळगावच्या रेल्वे स्थानकाला भेट देऊन पाहणी केली.
त्यांनी आज बेळगाव रेल्वे स्थानकाचे बांधकाम सुरू असलेल्या ठिकाणी भेट देऊन रेल्वे स्थानकावर सुरू असलेल्या विविध कामांची पाहणी केली.
याप्रसंगी खासदारांनी G+3 मजली इमारत, लिफ्ट बसवणे, पार्किंग व्यवस्था, सुधारणा कामांची चार प्लॅटफॉर्मचे, मुख्य प्रवेशद्वारातून कोचिंगचे काम ,डेपो पिट लाईनचे बांधकाम, हाती घेतलेल्या विविध कामांच्या स्थितीचे निरीक्षण केले आणि माहिती मिळविली .
यावेळी त्यांनी संबंधित अधिकाऱ्यांना गाड्या आणि स्थानकांमध्ये स्वच्छता राखण्याची सूचना केली. यावेळी त्यांनी ट्रेनची वाट पाहणाऱ्या प्रवाशांकडून माहिती घेतली आणि त्यानंतर अधिकाऱ्यांची बैठक घेतली.
सध्या रेल्वे स्थानकाचे ९० टक्के काम पूर्ण झाले असून, उर्वरित काम सप्टेंबरपर्यंत पूर्ण करण्याच्या सूचना त्यांनी अधिकाऱ्यांना दिल्या. यावेळी दक्षिण पश्चिम विभागाचे अतिरिक्त विभागीय रेल्वे व्यवस्थापक श्री वर्मा, अतिरिक्त महाव्यवस्थापक अरुण कुमार व इतर वरिष्ठ रेल्वे अधिकारी उपस्थित होते.
